Ujësjellës Kanalizime Vlorë, njofton se tubacionet e ujit dhe kontatorët matës mund të ngrijnë brenda disa orëve nga fillimi i motit me temperatura të ulta nëse janë të ekspozuar ndaj ajrit të ftohtë.
Vetë konsumatorët janë përgjegjës për mbrojtjen e tubave të ujit dhe të ujëmatësve (të brendshëm ose të jashtëm) nga ajri i ftohtë dhe era. Duke qenë se gjatë natës së sotme temperaturat kanë qenë munis dhe kjo situatë do të vijojë të paktën deri të Martën, duhet të zbatoni disa rregulla që të parandaloni dëmtimet, shpenzimet dhe vështirësitë nëse do të ballafaqoheni me situatat kur tubat dhe ujëmatëset janë ngrirë
Ndiqni këto hapa Gjeni saraçineskën kryesore të mbylljes së ujit. Tregoni të gjithë anëtarëve të familjes se si ta mbyllni atë në rast të një tubi që shpërthen ose emergjence të ngjashme.
Apelojmë që në katet përdhese ku rrjeti i furnizimit është më shumë i ekspozuar në ajrin e ftohtë dhe mundësitë e rrjedhjes janë potenciale, ju lutemi të merrni masa dhe i izoloni që të mos shkojnë deri te ngrirja. Apelojmë për konsumatorët që të bëjnë izolime në pusetat ku kanë të vendosur matësin e ujit
Tubat që kanë më shumë mundësi të ngrijnë janë ata në mure të pa izoluar mirë, garazhe, bodrume dhe ata te vendosur nën sipërfaqen e tokës. Shtoni izolimin në mure të jashtme kudo që të jetë e mundur dhe mbyllni (vishni) gypat me izolim në garazhe dhe bodrume si dhe bëni izolim të brendshëm të ujëmatësit me materiale qe pengojnë ajrin e ftohtë. Faleminderit
