Parlamenti Evropian ka aprovuar mbrëmjen e djeshme marrëveshjen për Brexit të kryeministrit Boris Johnson.
Votimi përfundimtar me 621 vota pro ratifikimit të marrëveshjes së tërheqjes i hap rrugën Britanisë për t’u larguar nga BE që këtë javë.
Sipas mediave britanike, disa eurodeputetë thuhet të jenë parë duke qarë dhe përqafuar njëri-tjetrin, ndërsa të tjerët festuan duke ngritur gota me shampanjë që “festonin pavarësinë e re të Britanisë”.
Kreu i Partisë Brexit, Nigel Farage, përshëndeti lajmin duke tundur flamujt e Bashkimit me aleatët e tij ndërsa deklaroi se Britania “nuk do të kthehet kurrë më”. Gjithsesi, disa eurodeputetë britanikë thanë që ata shpresonin që Mbretëria e Bashkuar të kthehej një ditë në BE.
