Prindërit duhet të dërgojnë fëmijët e tyre në shkollën fillore të hënën për sa kohë ato do të jenë të hapura në zonën e tyre, ka thënë kryeministr britanik. Boris Johnson tha se nuk kishte “asnjë dyshim në mendjen time se shkollat janë të sigurta”.
Ai përshkroi mbylljen e shkollave në Londër dhe Jug-Lindje të Anglisë si “të jashtëzakonshme” për shkak të një varianti të ri të Covid-19 me përhapje të shpejtë. Ai i tha Andrew Marr të BBC-së rreziku për fëmijët ishte “shumë, shumë i ulët” dhe përfitimi i arsimit ishte “kaq i madh”.
Sindikatat kanë bërë thirrje që mësimi në distancë të futet në të gjitha shkollat fillore pasi rastet e koronavirusit u rritën, ndërsa disa autoritete lokale kanë shprehur gjithashtu shqetësime në lidhje me rihapjen e shkollave pas pushimit të Krishtlindjes.
Por Johnson thotë se të gjitha shkollat do të mbahen në mbikqyrje dhe se rëndësia e arsimimit të fëmijëve mbetet një prioritet shumë i rëndësishëm. “Dhe nëse kujtoheni për historinë e pandemisë, ne kemi mbajtur hapur shkolla për një kohë të gjatë, në zona ku pandemia ka qenë me të vërtetë në nivele të larta”, tha ai.
