12 emigrantë shqiptarë të cilët donin të ktheheshin në Shqipëri, janë gjobitur nga policia greke me 300 euro. Në këto ditë pandemie, mësohet se shqiptarët ishin nisur nga Mykonos për në atdhe.

Por me çfarë argumenti janë gjobitur shqiptarët? Policia greke ka nxjerrë si argument, se shqiptarët nuk kishin arsye urgjente për të lëvizur. Po ashtu ata nuk u lejuan të vijonin më tej edhe pas gjobës. Autobusi që ata udhëtonin, shkoi bosh deri në Igumenicë. Të gjithë emigrantët që duan të kthehen pranë familjes, duhet të qëndrojnë 14 ditë të izoluar në hotel me shpenzimet e tyre. Edhe më herët, kryeministri Rama është shprehur se emigrantët që do të kthehen, do të paguajnë vetë shërbimin e hotelit, ushqimet. Dhe do të kontrollohen me polici, që të mos dalin nga dhoma.Bold