Në një kohë që e gjithë Shqipëria është vendosur në karantinë si pasojë e koronavirusit, nëntoka e saj është lëkundur sërish. Dy tërmete të njëpasnjëshme janë ndjerë sot në zonën e Tiranës dhe Durrësit.
I pari ka qenë me magnitudë 3.3 me epiqendër 25 km në jug perëndim të Durrësit është ndjerë pak më parë dhe i dyti me magnitudë 3.7 të shkallës Rihter. Raportimet e para të ESMC-së flisnin për tërmet me magnitudë 4.3, por ky informacion është rishikuar më pas.
Ka pasur raportime të ndryshme nga qytetarët në rrjetet sociale që i kanë ndjerë lëkundjet, por që fatmirësisht derimë tani nuk raportohet për asnjë dëm material.
