Vladimir Kola me doktoraturë në Romë nuk është pranuar si pedagog në Fakultetin e Drejtësisë e në vend të tij pranohen 2 kandidatë të tjerë vetëm me mastër. Kjo gjë u bë e ditur nga ish-zëvendës ministri Arsimit Taulant Muka.
I ftuar ditën e sotme në Fax News, Kola foli për farsën e konkusrseve ne Universitetet shtetërore, duke u shprehur se nuk vlerësohet merita.
“Bëhet fjalë për një konkurs që është shpallur në 2018. Tani në periudhën Qershor-Korrik janë bërë edhe përzgjedhja e kandidatëve fitues, aty pashë tek Fakulteti i Drejtësisë Departamenti i të Drejtës Publike, vura re se kandidatët, edhe dy që nuk kishin as titull doktorature, as artikuj shkencor që nga ana akademike ka një rëndësi të madhe.
Nga ana tjetër mua nuk më kanë pranuar fare në intervistë, duke argumentuar se unë kam mbaruar doktoraturën në të Drejtë Publike, por diploma ka qenë në Shkenca Politike, por në të vërtetë që edhe Shkencat Politike, por edhe e Departamenti i të Drejtës Publike, kanë lëndë të përafërta dhe shumë të ngjashme. Aq më tepër që mua më kanë pranuar në Itali në departamentit e Të Drejtës Publike duke qenë se kam doktoraturën në këtë profil.
Nga ana tjetër janë përzgjedhur dy kandidatë që nuk kanë shkruar asnjë artikull shkencor dhe nuk kanë as titull doktorature. Gjejnë arsyetime të cilat nuk qendrojne. Nuk u respektua parimi i meritës dhe vlerësimit të titujve. Veç këtyre, ka edhe konkurse të cilat nuk bëhen publike.”- u shpreh Vladimir Kola.
