Naftëtarët e Ballshit sot janë futur në ditën e tretë të grevës së urisë. “Balkanweb” raporton se disa prej tyre kanë pasur komplikacione shëndetësore dhe refuzojnë ndihmën mjekësore dhe ujin.
Ata janë shprehur se nuk tërhiqen nga kërkesat e tyre. Kërkojnë me çdo kusht pagat e prapambetura dhe fillimin e punës. “O lekët ose do të ketë viktima. Askush nuk ka ardhur të na pyesë se çfarë ka ndodhur. Na ka ardhur vetëm një përfaqësues nga Avokati i Popullit”, është shprehur njëri prej grevistëve.
“Komplikacionet kanë filluar. Ne kemi marrë një vendim që dhe ujin e pijshëm ta eliminojmë dhe ndihmën shëndetësore. Kauza jonë dihet. Ne kërkojmë pagat e prapambetura dhe rikthimin në punë. I bëjmë thirrje kryeministrit dhe ekspertëve që të na gjejnë zgjidhje”, tha një tjetër naftëtar.
