Një kamera e fshehtë e realizuar nga Ora News, për rënien e shikueshmërisë së emisionit të tij të gatimit, ka nxehur Shef Titin. Ka qenë kolegu i tij Ronaldo Sharka që i ka bërë kamer të fshehtë Shef Titit, bashkë me regjisoren e emisionit, dhe i kanë komunikuar atij se emisioni do të mbyllej për shkak se nuk shikohej më.
Dy kolegët nxehen me njëri-tjetrin, me Ronaldo Sharkën që i thotë regjisores së fajin për “dështimin” e emisionit e kishte Shef Titi. Ky i fundit duke mos e ditur që po regjistroheshin dhe që e gjitha ishte një kamera e fshehtë, i hedh ujë Ronaldos dhe më pas e qëllon me shishe.
I nervozuar Shef Titi heq përparsen dhe bëhet gati të ikë, por kolegu i tij dhe regjisorja kthehen dhe i thonë se e gjitha ishte një kamer e fshehtë. “O ropt ku t’i keni pra”, thotë Shef Titi e qesh bashkë me ta pasi i ishte “bërë mishi kokërr”, siç thotë vetë në videon e mëposhtme.
