“Omicron” ka trefishuar të infektuarit aktiv në Shqipëri në dy javë. Nga rreth 6400 të prekur që rezultonin në vend sipas autoriteteve shëndetësore më 1 janar numri i tyre i ka kaluar 20 mijë e 400 të infektuar.
Asnjë Qark nuk i ka shpëtuar përhapjes variantit të ri të Covid, por Tirana vijon të qëndrojë në krye. Gjysma e personave pozitiv ndodhen në kryeqytet. Durrësi, Fieri, Elbasani, Shkodra dhe Vlora janë gjithashtu qytete me numër të lartë të prekurish.
“Omicron” ka shtuar të infektuarit edhe në Qarqe në të cilat kur në qarkullim ishte vetëm “Delta” numri i tyre nuk i kalonte dy shifra, si Dibra me 271 të prekur dhe Kukësi me 180.
Në 15 ditët e para të janarit rritje kanë pësuar dhe të shtruarit në spitale. Megjithkëtë jo në të njëjtën tendencë me të infektuarit nga Sars CoV 2.
Mjekët në “Infektiv” dhe Covid 3 aktualisht po mbajnë në mbikqyrje 51 pacientë më shumë se në fillim të muajit dhe afro dyfishin e atyre që ishin në gjendje të rëndë në nisje të vitit të ri.
Tirana kryeson dhe për numrin e të shtruarve në spital, me 32 pacientë. Por në raport me të infektuarit aktiv të sëmurët që kanë nevojë për trajtim të specializuar përbëjnë vetëm 0.32 %. Ndërsa Kukësi , bashkia e parafundit për numrin e të prekurve, 2.7% të personave aktiv I ka në spital.
Ndërkohë dy javët e para të janarit prej Covid 19 kanë humbur jetën 47 persona.
Pavarësisht kësaj për të parë ecurinë e pandemisë në vend, si sa I përket rasteve të reja ashtu dhe të shtruarve në spitale, mjekët kanë paralajmëruar se duhet pritur fundi i janarit
