Forcat Operacionale të Drejtorisë së Përgjithshme të Burgjeve kanë ndërmarrë një operacion të gjerë dhe të befasishëm në burgun e Peqinit. Në këtë burg kohët e fundit janë transferuar emra të njohur të botës së krimit dhe është nga burgjet më të populluara në Shqipëri.
Mësohet se operacionit ka nisur që në orët e para të mëngjesit, me urdhër të drejtorit të përgjithshëm të burgjeve.
Rreth 20 automjete të forcave operacionale janë angazhuar në terren.
Burime pranë sistemit penitenciar bëjnë me dije se aksione të tilla pritet të vijojnë edhe në institucione të tjera në vend.
