Kreu i SPAK, Arben Kraja ka marrë pjesë në konferencën online të Anti- Mafias italiane ku u arrestuan 37 persona në Itali dhe Shqipëri, si dhe u sekuestrua 3.5 ton drōgë me vlerë 40 milionë euro. Kraja tha se SPAK nuk është kufizuar vetëm në urdhër- arreste por edhe në akuzat për pastrim të produkteve të veprës penale duke kryer edhe sekuestrime ndaj këtij grupi krīminal në Shqipëri.Ai shton se ajo çfarë do të vijojë të bëjë SPAK, është që do të hetojë për autoritetet që e lejuan këtë grup krīminal dhe e favorizuan që të trafikonte drōgë duke çuar para përgjegjësisë penale këdo që është i përfshirë. ”Sot jemi konkretë në operacionin që kemi realizuar. Skuadrat e përbashkëta hetimore janë përgjigjia më efektive që mund t’i jepet krīmit të organizuar që funksionon në rrafshin ndërkombëtar. Ajo që dua të them është që operacioni ishte i suksesshëm. Koordinim perfekt, strukturave policore shqiptare dhe prokurorive shqiptare e italiane.
E reja që kemi thënë është që nuk jemi kufizuar vetëm tek arrestimi i personave përgjegjës, por kemi ngritur edhe akuza për pastrim të produkteve të veprës penale dhe kemi sekuestruar produkte të veprës penale.Jemi të vendosur dhe dua të garantoj, që edhe ekipet e përbashkëta të vijojmë me të njëjtin seriozitet deri në përfundimin e hetimeve.Do të vazhdojmë të hetojmë deri në detaje për përgjegjësitë e autoriteteve shtetërore që anë lejuar trafikon e drōgës nga grupi krīminal. Kushdo që të jetë i përfshirë, do dërgohet para përgjegjësisë penale. Ju falënderoj dhe besoj tek bashkëpunimi jonë i mëtejshëm. ”- tha Arben Kraja.
