Një i ri nga Berati është dhunuar brutalisht nga tre persona të tjerë dhe pasi shembet në asfalt. Pamjet janë publikuar sot nga “Jeta osh Qef”, ku shihet se si disa të rinj dhunojnë barbarisht një bashkëmoshatarin e tyre. Ngjarja e rëndë ka ndodhur 3 ditë më parë në qytetin e Beratit dhe siç shihet në video, 3 djem tërheqin zvarrë viktimën në mes të rrugës dhe e godasin me grushte e shkelma, pa pikë mëshire.
Ndonëse i riu rrëzohet në tokë pranë një makine, një prej djemve vijon ta godasë me grushte e shkelma në kokë e fytyrë, derisa e lë pa ndjenja. Pamjet janë vërtetë të rënda, ndërsa qytetari tregon se tre djemtë e përfshirë në sherr sot janë në gjendje të lirë. Vetëm një kalimtarë në rrugë ka ndërhyrë për t’i ndarë. Sipas denoncuesit, mendohet se i riu që ra pre e dhunës barbare është kamarier, ndërsa sherri dyshohet se ka ndodhur për motive të dobëta.
“Ky sherr ka ndodhur para 3 ditësh në qytetin e Beratit, ndërsa sot djemtë janë në gjendje te lire. Është diçka shume e tmerrshme. Nuk i njoh personalisht djemtë. Djali qe është goditur është kamarier me aq sa me thanë ndërsa sherri mendohet se ka ndodhur për motive të dobëta”, – thuhet në mesazhin e qytetarit që ka dërguar videon.
