Categories Lajme

Paratë ruse/ Kryemadhi padit Top Channel, kërkon shumën marramendëse si dëmshpërblim

Deputetja Monika Kryemadhi ka paditur televizionin “Top Channel” për shpifje lidhur me publikimin e disa dokumenteve ku aludohet se ish-kryetarja e LSI ka kryer biznes me disa oligarkë rusë.

Kryemadhi, e cila i ka quajtur si të falsifikuara këto dokumente që fillimisht u publikuan dhe më pas u fshinë nga gazeta belge “Euroreporter”, ka dorëzuar sot padinë në Gjykatën e Tiranës.

Kryemadhi tha për mediat se televizioni ka ushtruar presion, shantazh si dhe ka shpifur ndaj saj. Për këtë arsye ajo ka kërkuar 400 mijë euro dëmshpërblim.

“Për momentin kam kërkuar 400 mijë euro, e cila do të jetë një vlerë që më vonë mund të pasurohet më tutje duke pasur parasysh që kjo shumë mund të shtohet nëse shoqëria mediatike mund të shpifë ndaj personit tim”, deklaroi ndër të tjera Kryemadhi.

Deklarata e plotë:

Sot ndalova në Gjykatën e Tiranës për të dorëzuar një padi civile për shoqërinë Top Channel, e cila në mënyrë të vazhduar ka ushtruar denigrim, intimidim, mashtrim ndaj figurës time si person publik, si deputete, si politikane, si individ, kështu që sot dua të ngre një proces krejt tjetër, jo vetëm për të sensibilizuar veten time në radhë të parë, por edhe për të treguar se shoqëria shqiptare ka nevojë për të ndryshuar mentalitetin për të mos qenë më pre e shantazheve të shoqërive të caktuara që kanë për detyrë të informojnë qytetarin dhe jo të dezinformojnë me dokumente false, të manipuluara. Nëpërmjet kësaj padie civile, dua të risjellim edhe njëherë një mentalitet të ri, dhe për të rikthyer besimin te drejtësia.

Unë e kuptoj që është pak e vështirë, por dua që edhe sot të mos jenë më ata që përdorin para publike për të sulmuar kundërshtarët e tyre politikë. Nesër do ta pasoj me një kallëzim penal, për veprën që ka kryer shoqëria Top Channel, duke paraqitur dokumente të falsifikuara, apo edhe duke ushtruar shantazh, dhe duke manipuluar dhe mashtruar opinionin publik.

Ajo që dua të theksoj është që përveç kësaj kam kërkuar edhe një dëmshpërblim financiar.

I gjithë ky buxhet do të shkojë për shumë gjëra të mira për të rinjtë dhe të rejat. Për momentin kam kërkuar 400 mijë euro, e cila do të jetë një vlerë që më vonë mund të pasurohet më tutje duke pasur parasysh që kjo shumë mund të shtohet nëse shoqëria mediatike mund të shpifë ndaj personit tim.

Paratë ruse/ Kryemadhi padit Top Channel, kërkon shumën

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME