Administrata Amerikane e Ushqimit dhe Barnave në Amerikë (FDA) ka autorizuar përdorimin e vaksinës së koronavirusit Pfizer BioNTech për përdorim urgjent. Agjencia ka qenë nën presion të madh nga administrata Trump për të miratuar përdorimin e vaksinës.
Kreut të FDA, Stephen Hahn iu tha ta miratojë atë të Premten ose të heqë dorë, thanë mediat amerikane, megjithëse ai e quajti këtë “të pavërtetë”.
Sipas Donald Trump, vaksinat e para do të bëhen brenda 24 orëve. Sekretari i Shëndetit dhe Shërbimeve Njerëzore Alex Azar, u tha gazetarëve më herët të Premten se departamenti i tij do të punonte me Pfizer për të filluar programin e vaksinimit masiv nga e hëna ose e marta.
Vaksina Pfizer ka marrë miratimin rregullator në Britania, Kanadaja, Bahrein dhe Arabinë Saudite.Në një deklaratë të publikuar të premten në lidhje me zhvillimin, komisioneri i FDA, Stephen Hahn tha: “Pas rezultateve të djeshme të komitetit këshillues pozitiv në lidhje me vaksinën Pfizer-BioNTech COVID-19, Administrata e Ushqimit dhe Barnave e SHBA-së ka informuar sponsorin se do të punojë me shpejtësi drejt finalizimit dhe lëshimit të autorizimit të përdorimit emergjent”. Të Mërkurën, SH.B.A. regjistroi më shumë se 3,000 vdekje – shifra më e lartë në një ditë të vetme kudo në botë.
