Pasioni dhe dashuria për profesionin e bëjnë një mjek të mos ndalet në rrugën e dijes. Ky është rasti i Dr.Teuta Haveri e cila pas studimeve, specializimit dhe masterit me rezultate të shkëlqyera në Universitetin e Tiranës, ka vijuar studimet pasuniversitare në Strabologji dhe Oftalmologji pediatrike në Universitetin e Nantës në Francë.
Specializimet në Zvicër, Indi, Austri, etj, kanë thelluar njohuritë e saj mbi teknikat kirurgjikale të kirurgjisë refraktive dhe sëmundjeve të kornesë, mbi teknikat kirurgjikale të kirurgjisë së kataraktës dhe në trajtimin e sëmundjeve të retinës.
Shefe e Shërbimit të Oftalmologjisë në Spitalin Amerikan 1, gama e patologjive të syrit që diagnostikon dhe trajton Dr.Teuta Haveri është e gjerë dhe përfshin të gjitha moshat. Ato nisin nga çrregullimet e shikimit te fëmijët e vegjel, diagnoza dhe korrigjim me lazer i defekteve refraktive si miopia, astigmatizmi, hipermetropia te të rinjtë, diagnoza dhe trajtimi i keratokonusit, trajtimi kirurgjikal dhe medikal i strabizmit (shtrembërimit të syve), për të vijuar me sëmundjet e kornesë, infeksionet e ndryshme, operacionet e kataraktës (perdes së syrit), të retinës, etj.
Transplanti i kornesë dhe korrigjimi i shikimit me lazer prej vitesh realizohen me sukses në Spitalin Amerikan, kjo falë mjekëve tepër të kualifikuar si Dr.Teuta Haveri dhe kushteve moderne që ofron Qendra e Okulistikës në Spitalin Amerikan 1.
Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com .Spitali Amerikan, përqafoje jetën
