Partia Demokratike publikon një audiopërgjim sipas të cilit vërteton sipas saj punësimin e militantëve partiakë nga Drejtori i Kadastrës Artan Lame.
Ish deputetja demokrate Orjola Pampuri doli me një deklaratë për median dhe e quajti ‘propagandë” prononcimin e Artan Lames pak ditë më parë për hapjen e konkurseve të ndershme të punësimit në Kadastër.
“Artan Lame, si gjithë kolegët e tjerë pjesë të qeverisë grabitëse të Edi Ramës, nuk mund të organizojnë konkurse të ndershme. Ata dinë vetëm të punësojnë militantë partiakë, që i përdorin në zgjedhje në shkelje të ligjit ndaj kundërshtarit politik. Artan Lame është modeli tipik i kësaj skeme skandaloze që ka mbajtur peng administratën publike gjithë keto vite, duke punësuar militantë që vijnë me lista nga partia në pushtet dhe, në vend t’u shërbejnë qytetarëve, i shërbejnë partisë në pushtet në kohë fushatash elektorale”
Audiopërgjimi është publikuar 1 vit më parë.
Ne audiopergjim Artan Lame degjohet te thuhet: “Jemi dy muaj para zgjedhjeve. Do të thotë me historira deputetësh, ministra, kandidatë bashkish, të gjithë kërkojnë ndihmë dhe mbështetje. E keni parë që legalizimet janë gjërat më të rëndësishme që po konsiderohet. Kështu që deri në zgjedhje nuk dua të dëgjoj historinë e ditës së shtunë. Kush e mendon se ditën e shtunë do të rrijë pushim, fare thjesht le ta thojë dhe duhet të ikë pastaj. Në shumë raste që janë larguar njerëz të tillë, ministrit apo deputetit përkatës i kam thënë: Vëlla i dashur vendi është i joti, ky do ikë më sill një tjetër”
PD akuzon Ramën se ka ngritur një shtet mafioz
Oriola Pampuri: “Modeli i vërtetë i Artan Lames dhe gjithë të ngjashmëve të tij është vetë Edi Rama. Dosja 339, e trajtuar gjerësisht nga Zëri i Amerikës pak muaj më parë, provoi se është Kryeministri ai që ndêrhyn drejtpërdrejt për prishjen e konkurseve të administratës dhe, në mënyrë kriminale, ndërhyn nga zyrat e tij për të larguar më të aftët dhe për të punësuar militantët partiakë apo njerëzit e kriminalizuar. Edi Rama ka ngritur një shtet mafioz, ku gara në zgjedhje, gara për vendet e punës, gara për tenderat janë fasadë e një pushteti të korruptuar dhe të inkriminuar. Pra daj, sot Shqipëria ka vetëm një zgjidhje, largimin e Edi Ramës!”
