Maqedonia e Veriut vijon të përballet me shifra të larta të infeksioneve dhe viktimave nga koronavirusi ndërsa mediat vendase raportojnë se në 24 orët e fundit janë regjistruar 126 qytetarë pozitiv nga testi për Covid-19 ndërsa kanë ndërruar jetë 4 persona.

Ndërkohë, deri tani numri i personave që rezultojnë me COVID në total ka shkuar në 6334. Gjithashtu 4 persona nuk kanë arritur të mbijetojnë dot gjatë këtyre 24 orëve. Numri i përgjithshëm i viktimave në shtetin fqinj  ka shkuar në 302, prej të cilëve 171 kanë humbur jetën gjatë muajit qershor. Në spitalet e e vendit, po kurohen 403 persona, ndërsa prej ditësh është ngritur alarmi për mbipopullim të tyre.