Një tjetër aksident ka ndodhur rreth orës 22:10 minuta të mbrëmjes të kësaj të shtune në rrugën Transballkanike në Vlorë, por fatmirësisht pa pasoja të rënda për jetën. Një motor është përplasur më një automjet të llojit “BMW” edhe në pak sekonda ka marrë flak në mes të rrugës.Drejtuesi i motorit në momentin e aksidentit kishtë të vendosur në kokë mbrojtësen e kokës “kokoren ” e cila fatmirësisht i ka shpëtuar këtij të fundit jetën. BMW me targa aa708 VC po vinte nga një rrugë dytësore, edhe në momentin që po futej në rrugën Transballkanike nuk i ka dhënë përparësi motorit i cili po udhëtonte me shpejtësi. Si pasojë motori ka goditur BMW edhe më pas ka marrë menjëherë flak. Drejtuesi i motorit fatmirësisht raportohet të jetë jasht rrezikut për jetën, pasi ka marrë disa plag të lehta në trup edhe për këtë arsye është nisur me urgjencë në spitalin rajonal të vlorës për një kontroll mjeksor më të hollësishëm. Menjëherë në vendgjarje kanë mbërritur forcat zjarrëfikse të cilat kanë bërë të mundur shuarjen e flakëve si edhe policia e vlorës e cila ka shoqëruar për në komisariatin e Vlorës drejtuesin e automjetit të llojit BMW, për ta marrë ketë të fundit në pyetje për të mësuar më shumë rreth aksidentit. Grupi hetimor ndodhet tashmë ne vendgjarje teksa po heton për të mësuar më shumë detaje rreth kësaj ngjarjeje.
