Për Spitalin e Ri Rajonal të Fierit kanë aplikuar 424 aplikantë, që hap dyert për pak ditë do kenë mundësi aplikimi për punësim deri më 7 prill 2021.
Mjekë, infermierë, laborantë, imazheristë e farmacistë, punonjës shërbime dhe administrate mund të bëhen pjesë e këtij projekti ambicioz duke aplikuar në https://shendetesia.gov.al/.
Spitalin i Ri Rajonal të Fierit, që hap dyert për pak ditë, me një superekip turko-shqiptar, do jetë një qendër jo vetëm shërbimesh ekselence shëndetësore, po edhe transferimi teknologjie e dijesh dhe do të jetë edhe i pari shembull i autonomisë spitalore.
Spitali i Fierit po ndërtohet në afërsi të autostradës Fier-Vlorë, me një sipërfaqe prej 50 000 metra katrorë, 13 000 metra katrorë prej të cilave strukturë spitalore dhe kostoja e ndërtimit kap shifrën 70 milionë euro. Për ndërtimin e spitalit po punohet natë e ditë, me tre turne, dhe sipas premtimit të qeverisë turke, do të përfundojë brenda 3 muajsh.
