Bilbil Cara, kreu i Sindikatës Shqiptare të Taksive, deklaroi nga protesta para kryeministrisë se e ndjejnë më shumë se çdokush tjetër rritjen e çmimit të naftës e që ka arritur kulmin.
Ndër të tjera Cara tha se, të premten në orën 11:00, Sindikata Shqiptare e Taksive do të protestojë me makinat në Bulevard.
“Po vështirësohet jeta e të gjithë shqiptarëve. Në çdo cep të Shqipërisë. Taksistëve po ju bëhet puna e vështirë, s’po mbajnë dot familjet e veta. Nafta është shumë shtrenjtë. Shteti ynë nuk krahasohet dot as me Kosovën, Maqedoninë e Veriut kur taksistët marrin subvencione nga qeveria”, tha Cara.
