50 përfaqësues të transportit interurban në Vlorë,shoferë, përfaqësues të firmës, faturino etj të 33 autobusëve të cilët çdo ditë kryejnë linjën drejt Tiranës, i janë bashkuar protestës në rrang vendi për ti dhënë një mesazh qeverisë së vendit të rihapë transportin interurban.Megjithëse ministria e shëndetësisë doli pak minuta para protestës të lanconte rihapjen e autobusëve interurban përfaqësuesit e firmës shprehen se ministrive të linjës u kanë paraqitur 6 kushte për tu plotësuar, pasi sipas tyre nëse këto kushte nuk plotësohen atëherë nuk mund të përballojnë dot shpenzimet.Kushtet që ata rendisin janë rimbursimi 70 % i karburantit, i quajtur ndryshe akcizëz, falja ose shtyrja e taksave të automjeteve për këtë vit, rinisja e punës me 70 % të kapaciteti etj.
Thonë që i kanë zbatuar masat e ministrisë së shëndetësisë, dhe do të vijojnë ti zbatojnë vetëm kërkojnë të punojnë. Përfaqësuesit e transportit interurban ankohen tashmë edhe për paketën financiare të dhwnë nga qeveria, sipas tyre i është premtuar edhe një paketë e dytë financiare prej 40 mijë lekësh të reja e cila nuk është plotësuar ende, me paketën e parë dhe të vetme financiare që ju është dhënë smund tja dalin të mbijetojnë pasi kanë 4 muaj pa punë me një shpërblim prej 40 mijë lekësh për të gjithë muajt, teksa me 10 mijë lekë në muaj sipas tyre nuk mund të përballojnë dot jetesën. Përfaqësuesit e transportit interurban shprehen se nuk do të ngrenë aspak çmimin e biletës por kërkojnë mbështetjen nga shteti.Teksa si problem serioz shikojnë piraterinë e cila sipas tyre nuk po sulmohet aspak nga shteti, e cila cdo ditë dëmton firmat legale të transpiortit të cilat çdo muaj paguajnë taksa dhe detyrimet vjetore në shtet.
