Një automjet është përfshirë mbrëmjen e sotme nga zjarri në Sarandë. Pas ndërhyrjes së specialistëve të shërbimit zjarrfikës që ndodheshin në vendngjarje u arrit të evitohej djegia e plotë e makinës.
Ngjarja ndodhi në afërsi të rrugës së 4 në qytetin e Sarandës. Në kabinën e mjetit tip “Opel” në pronësi të firmës ISAK, shpërtheu zjarri, që nga ndërhyrja në kohë e zjarrfikësve, u evitua përhapja e zjarrit në motorin dhe pjesën tjetër të makinës.
Nga hetimi u përcaktua se shkaku i zjarrit në mjet ishte kondicioneri. Në shuarjen e zjarrit bashkë me zjarrfikësit morën pjesë edhe vetë drejtuesit e MZSH të Sarandës, Nasibi Hasanllari e Vladimir Kondi.
