Një zjarr masiv përfshiu një ndërtesë të lartë rezidenciale në qytetin Ajman në Emiratet e Bashkuara Arabe. Zjarri shpërtheu në Kullën 02 të kompleksit Ajman One, ndërsa forca të shumta zjarrfikëse nxituan në vendngjarje për të shuar flakët.
Ekipet e mbrojtjes civile dhe të policisë kanë mundur të kontrollojnë dhe shuajnë flakët dhe deri më tani nuk raportohet për të lënduar.
Banorët fatmirësisht u evakuuan në kohë nga ndërtesa dhe u strehuan në hotele. Emiratet e Bashkuara Arabe janë përballur me një numër të lartë zjarresh në vitet e fundit që kanë qenë të lidhura me veshje të ndezshme në shumë nga ndërtesat e larta të vendit kudo.
Në natën e Vitit të Ri në vitin 2015, një hotel luksoz dhe kompleks rezidencial pranë Burj Khalifa në Dubai u përfshi nga flakët. Rreth 15 persona u plagosën, ndërsa Policia e Dubait fajësoi instalimet elektrike të ekspozuara për zjarrin.
Rregulloret e vendosura pas atij zjarri kërkojnë që të gjitha veshjet e tilla të zëvendësohen me materiale rezistente ndaj zjarrit./
