Ministria e Turizmit dhe Ministria e Financave kanë nisur regjistrimin e plotë të të gjitha bizneseve që operojnë në fushën turistike.
Në kuadër të përgatitjes për sezonin e ri turistik, nga Vlora ku mori pjesë në mbledhjen e Komitetit të Mjedisit, Ministri i Turizmit Blendi Klosi bëri të ditur se formalizimi i aktivitetit turistik i shërben së pari ekonomisë së vendit, por edhe vetë bizneseve dhe punëmarrësve.
Klosi: Që në muajin mars së bashku me Drejtorinë e Tatimeve të Minsitrisë së Finacave të jemi në një regjistrim të plotë të gjithë akomodimit shqiptar që kjo të jetë një gjë e regjistruar, të jetë një komunitet i cili mbron ekonominë e vendit, po në rradhë të parë mbron dhe vetveten, pasi lufta kundër informalitetit do të jetë një luftë e përbashkët një luftë që nuk i takon vetëm institucioneve shtetërore, por duhet bërë së bashku me komunitetin e biznesit, pasi është një luftë në të mirën e tyre. Mospasja e një certifikimi nga Ministria e Turizmit i bënte një luftë të madhe informaliteti biznesit të certifikuar.
Ministri bëri të ditur se edhe gjatë sezonit të ri turistik nuk do të ketë asnjë tolerim për subjektet që shkelin hapësirat publike.
