Një makinë ka përplasur për vdekje një person në fshatin Ferras në rrugën dytësore Levan-Vlorë.
Viktima është gjetur i pajetë në cep të rrugës nga banorët e zonës.
Autori pasi e ka përplasur është larguar menjëherë nga vendngjarja. Mësohet se personi ka qenë duke lëvizur me biçikletë.
Burime për Abc bëjnë me dije se viktima është një i moshuar 70-vjeç.
Ndërkohë policia po punon për zbardhjen e ngjarjes dhe për kapjen e autorit.
Njoftimi i policisë:
Rreth orës 17:30, në aksin rrugor “Fier-Vlorë”, në fshatin Ferras, një automjet me drejtues ende të paidentifikuar, ka përplasur shtetasin Y. T., rreth 70 vjeç, banues në fshatin Fitore, i cili dyshohet se ka qënë duke lëvizur me biçikletë.
Si pasojë e përplasjes, shtetasi Y. T. ka humbur jetën.
Grupi hetimor po punon për identifikimin dhe kapjen e drejtuesit të automjetit, si dhe për zbardhjen e rrethanave të aksidentit.
