Ditën e djeshme, këngëtarja Semi Jaupaj dhe balerini Ilir Shaqiri patën një debat të ashpër me njëri-tjetrin. Shkak u bë një gjest i artistes, i cili u mor si ofendim nga Iliri.
Gjithçka nisi kur Jaupaj i drejtoi balerinit gishtin e mesit para të tjerëve, një veprim që nuk u prit aspak mirë nga Iliri.
E ftuar në dhomën e rrëfimit, Semi tha: “Për shaka ia bëra me (nxjerr gishtin e mesit). E mori shumë seriozisht, e mori shumë afër zemrës si gjë”.
Ndërkohë, Iliri vendosi ta diskutojë këtë çështje me aktoren Arjola Demiri gjatë kohës që po konsumonin ushqim në kuzhinë. Iliri tha: “’Ato’ i thashë, ‘mbaji për vete’. ‘Unë s’ta lejoj’ i thash. ‘Jo po je e paeddukatë i thash’. Troç! Jo andej, jo këndej. ‘S’ka më’, i thash. ‘Unë tre gjëra të thash, mbaje mend këtë që të thash që mos të më pyesësh një ditë pse?’”.
Ndërkohë, balerini i rrëfeu Sabianit se ndihet shumë në faj që ia ka lënë të gjithë përgjegjësinë gruas së tij për të mbajtur familjen në Itali, ndërkohë që vetë “rri gjithë ditën”. Këngëtari e “ngushëlloi” duke i thënë se të gjithë do të ndihen shumë krenarë me qëndrimin e tij në shtëpinë e “Big Brother VIP”.
