Shtimi i biçikletave në qarkullim ka rritur edhe aksidentet. I fundit u regjistrua pasditen e sotme në afërsi të shkollës “Vasil Shanto” në Tiranë. Një automjet u përplas me një qytetar që lëvizte me biçikletë. Për pasojë ka mbetur i plagosur drejtuesi i biçikletës i cili është dërguar në spitalin e Traumës për ndihmë mjekësore, pa pasoja të rënda.
“Më datë 16.05.2020, rreth orës 14:41, në bulevardin “Bajram Curri”, mjeti me drejtues shtetasin L.C., 25 vjeç, ka aksidentuar biçiklistin H.Ll, 65 vjeç, i cili ndodhet në spital, nën kujdesin e mjekëve” njofton policia.
Drejtuesi i mjeti është shoqeruar në Komisariatin e Policisë Nr.2 për veprime të metejshme.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
