Vlora vijon të mbetet preferenca e turisteve të huaj edhe në shtator. 80% e prenotimeve në njësitë akomoduese janë nga të huajt. Pushuesit janë nga vende të ndryshme të botës. Ata pohojnë se Vlora është qytet i bukur për të kaluar disa ditë të qeta në shtator.

“Jemi nga Spanja. Është hera e parë që vijmë në Vlorë. Nuk e njihnim me parë. Natyrisht që na ka pëlqyer shumë. Shëtitorja në bregdet apo edhe mikpritja. Vlora është qytet shume i bukur ndërsa do te shohim edhe Tiranën. Jam nga Gjermania.

Kam lexuar në Instagram dhe ja ku jam në Shqipëri. Gjashtë ditë do të qëndrojmë. Vendi është shume i bukur, restorantet janë shume të mirë, mikpritja. Pushimet në shtator janë ideale. Nuk kemi impenjime për shkollën dhe fëmijët. Dhe jemi këtu duke pushuar. Gjithçka shumë mirë.”, tha një pushues.

“Jam nga Ukraina. Kam disa ditë në Vlorë dhe ky është një qytet shumë i bukur. Është hera e parë që ndodhem këtu. Shumë bukur Vlora.”, shtoi një turist tjetër.

Ndërkohë një tjetër turist tha se; “Jam nga Italia. Shume bukur. Nuk e kisha parë asnjëherë Shqipërinë dhe ja ku jemi. Pastaj Vlora është një vend shumë i bukur. Ka lungomare.

Ndërsa dje kemi vizituar edhe një kështjellë. Është shumë mirë, do të kthehemi. Ndoshta edhe blejmë shtëpi këtu. Në Vlorë kanë investuar shumë para. Kane bërë gjëra shumë të mira këtu.

Ja vlen gjithçka.”. Prenotimet dhe interesi i të huajve për të vizituar qytetin pritet të jetë i lartë edhe pas kësaj periudhe të sezonit.