Policia ka shpallur në kërkim 2 personat e rrez.ikshëm,Qazim Marku, 23 vjeç dhe Eugert Merizaj, 28 vjeç. Ata akuzohen për vr.asjen e një ish-snajperisti kurd, në Hartlepool.
30-vjeçari Hemëand Ali Hussain u që.llua për vd.ekje jashtë shtëpisë së tij në rrugën Charterhouse, më 15 Shtator të vitit të shkuar. Sipas asaj që shkruan “BBC”, policia e Cleveland tha se vik.tima shërbyer si snajperist për ushtrinë kurde, kundër të të ashtuquajturit Shteti Islamik.
Një zëdhënës i policisë tha se ndonëse të lindur në Shqipëri, dy të dyshuarit Marku dhe Merizaj besohet se kanë lidhje në disa zona nëpër Mbretërinë e Bashkuar, përfshirë Bolton, Sheffield dhe Londër.
Autoritetet britanike publikuan fotot e dy shqiptarëve, sëbashku me një përshkrim për secilin prej tyre, ndërsa një apel e kishin edhe për qytetarët.
“Duam t’i bëjmë apel kujtdo që mund të ketë informacione, që mund të na ndihmojnë në kapjen e këtyre dy personave në kërkim që të kontaktojë policinë. Kushdo që i sheh këta persona, u kërkojmë që të mos i afrohen”, tha zyrtarja e policisë, Sarah Robinson. Deri më tani të akuzuar për vrasjen e Hussain janë 4 persona, të cilët presin të dalin në gjyq.
