Një 19-vjeçar shqiptar ka humbur jetën tragjikisht në malin Marmagna në Itali. Mediat italiane raportojnë se Marinel Senka humbi jetën, gjatë një shëtitjeje me shokët, ndërsa rrëshqiti.
I riu shqiptar dhe 2 miqtë tij u nisën drejt Marmagna për alpinizëm, por fatkeqësisht ai rrëshqiti në akull dhe ra në një grykë mali, duke humbur jetën.
Mëngjesin e së shtunës i riu, së bashku me disa miq, u larguan nga Pontremoli, ku jetonte prej vitesh për të ngjitur malin Marmagna. Me sa duket qëllimi ishte të ngjiteshim në Livadhet e Logarghena.
Moti ishte i ngrohtë dhe me diell, kohë e përshtatshme për të ecur, por mbase të tre të rinjtë nënvlerësuan rrezikun dhe mbi të gjitha praninë e borës në lartësi të mëdha, ku ka edhe prani akulli. Ngjarja e rëndë ndodhi në sytë e miqve të tij të cilët lajmëruan menjëherë autoritetet dhe familjarët për lajmin e hidhur.
Ekipi i shpëtimit edhe për shkak të kushteve të vështira atmosferike ka fluturuar mbi zonë për rreth 1 ore për të gjetur trupin e Marinelit. I riu shqiptar është viktima e tretë përgjatë dy javëve të fundit në alpet italiane.
