Dy prej banorëve që protestojnë për pronat e tyre në Rrjoll kanë mbetur të lënduar gjatë përplasjes me policinë dhe kanë përfunduar në spital për ndihmë mjekësore.
Në një prononcim për mediat, njëri prej tyre është shprehur se efektivët e kanë tërhequr zvarrë dhe ai ka pësuar dëmtime në këmbë dhe qaf.
Po ashtu, edhe në protestën e një dite më parë, ai thotë se policët i kanë goditur të birin me gur.
“Si çdo ditë po shkojmë te tokat tona, te tokat që na kanë lënë të parët, baballarët e gjyshërit tanë. Policia ishte bërë gardh, më mënyrë absolute nuk të lënë as të shkelësh me këmbë. Ata po e rrethojë dhe as në këmbë nuk po na lënë. Edhe dje djali tim e kanë goditur me grushte, edhe sot siç e shihni vetë.
Po ne nuk do dorëzohemi, na kanë gjuajtur me gurë, na janë hedhur në fyt, në mënyrën më makabre të mundshme. Dy persona janë demtu bajagisht. Do vazhdojmë pa ndalim, deri kur të dali e drejta. Nuk jemi në kundërshtim me shtetit dhe me askënd, jemi në kundërshtim me punëtorët, të bllokohen punimet. Ne duam vetëm drejtësi. Unë jam dëmtuar në këmbë dhe në qafë, më kanë tërhequr zvarrë”, tha ai.
Ndërkohë një tjetër i lënduar po ashtë është shprehur se një efektiv policie e ka goditur disa herë më gur në pjesë të ndryshme të trupit, ndërsa theksoi se protesta e tyre nuk do ndalet.
“Si çdo ditë edhe sot. Shkojë të tokat tona dhe nuk na lejnë, sikur jemi prej Kabuli. Policia është 100% me palën tjetër. Ku është shteti, të na dali mor zot se për dy të ballit, asnjë nuk na ka gjet deri më sot, por më zi do të bëhet.
Nuk kam çfarë të them. Sa dolëm te tokat, policia duke na ofenduar, duke na shtyrë. Më kapi njëri më ka dërrmuar me gur në këmbë, në shpinë, në gjoks, nuk kanë lënë gjë pa bërë. Jena dëmtuar dy veta, se di mirë, se kam qenë si në tip kome. Mos me shku te vendi jot, vetëm në Shqipëri kam parë”, tha ai për mediat.
