Krijohet për herë të parë ekipi i minifutbollit në policinë shqiptare, i përbërë nga 12 persona, i cili do të marrë pjesë në Kampionatin Botëror të Minifutbollit të Forcave të Rendit (World Peace Indoor Soccer Tournament) që zhvillohet në 07-11 Tetor 2019 në Eibergen të Holandës. Më herët, po me iniciativë të IPA – Section Albania u krijua edhe Ekipi i “Volley Police”
Para nisjes së ekipit për në Holandë, Drejtori i Departamentit për Sigurinë Publike Gjovalin Loka i ka dorëzuar ekipit të minifutbollit Flamurin e Policisë së Shtetit. Drejtor Loka ka theksuar se ky është një aktivitet mjaft i rëndësishëm, i cili ndikon drejtpërdrejt në imazhin e Policisë së Shtetit dhe të vendit tonë në arenën ndërkombëtare.
Në historinë e saj Policia e Shtetit përfaqësohet për herë të parë në këtë aktivitet dhe shorti përballë Policisë së Gjermanisë, Ukrainës, Rusisë, Rumanisë dhe Belgjikës.
