Pronarja e një biznesi në Durrës është gjobitur me 10 milionë lekë nga Policia e Shtetit. Në clubin e saj kishte muzikë dhe aktiviteti vijonte dhe pas orës policore, ndaj ajo është paralajmëruar që ta mbyllte biznesin. Shtetësja me inicialet E.S nuk i është bindur urdhrit të punonjësve të Policisë dhe është gjobitur me 10 milionë lekë.
“Nga specialistët për Hetimin e Krimit në Komisariatin e Policisë Durrës u procedua penalisht për veprën penale “Mosbindja ndaj urdhrit të punonjësit të policisë së rendit publik”, shtetasja E. S., banuese në Durrës, pasi nuk i është bindur urdhrit të punonjësve të Policisë, për mbylljen e lokalit që e mbante hapur, me muzikë, gjatë orës policore.
Gjithashtu, për këtë shtetase është vendosur masa administrative 1.000.000 lekë, për ushtrim aktiviteti në kundërshtim me Aktin Normativ. Materialet kaluan në Prokurorinë e Rrethit Gjyqësor Durrës, për veprime të mëtejshme”, njofton Policia.
