Politike

Azil në Francë? Kryeministri Philippe: Kërkesat nga Shqipëria të papranueshme

Franca është mëse e shqetësuar nga kërkesat e larta për azil në këtë vend. Asambleja e Përgjithshme franceze me qeverinë e Presidentit Emmanuel Macron, akoma nuk e ka përcaktuar qëndrimin e saj për çeljen e negociatave me vendin tonë. Kryeministri Edouard Philippe thotë se është e papranueshme që të vijnë kërkesa për azil nga shtetas të vendeve kandidate për në BE.

”Për mua është e papranueshme që shumë kërkesa për të drejtë azili në Francë, vijnë nga vende si Gjeorgjia dhe Shqipëria, që janë kandidate për në Bashkimin Europian. Ne kemi për detyrë t’i zgjidhim situata të tilla. Realiteti është se Zyra Franceze e Mbrojtjes së Refugjatëve dhe Personave pa Shtet është e tejmbushur nga kërkesat e shumta për azil”.

Vitin e kaluar, Franca regjistroi 123 mijë kërkesa për azil, një rritje prej 22% krahasuar me 2017. Në bazë të të dhënave zyrtare, Afganistani kryeson listën me 10.270 kërkesa, ndërsa më pas vjen Shqipëria me 9690. Për vendin tonë janë pranuar vetëm 175, refuzuar mbi 8 mijë dhe mbetur pezull 3 mijë kërkesa të tjera.

Artikuj të ngjashëm

Leave a Reply

Your email address will not be published.

Back to top button
Close