Në mediat rozë është duke qarkulluar lajmi se Selena Gomez dhe ish-anëtari i grupit One Direction, Niall Horan, janë në një lidhje së bashku. Shkak për këtë u bë një foto në grup ku Selena shihet përkrah Niall dhe gjatë darkës, ata janë parë shumë të afërt me njëri-tjetrin.
Zërat u shtuan edhe më tepër kur Selena publikoi në Instagram këngën më të fundit të Horan.
Por sipas “E! News”, burime pranë tyre bëjnë të ditur se ata janë thjesht miq të mirë që kanë mbajtur kontakte përgjatë viteve dhe janë duke i qëndruar pranë njëri- tjetrit.
“Selena dhe Niall kanë qenë gjithmonë mbështetës edhe të muzikës së njëri-tjetrit dhe madje edhe më herët kanë folur për një bashkëpunim midis tyre”, shton burimi.
Kjo nuk është hera e parë që ata kanë ngritur dyshime për një lidhje sepse edhe më herët, pikërisht në vitin 2015 janë përfolur për një romancë midis tyre.
