Banorët e Rrjollit janë ngritur sërish në protestë kundër ndërtimit të resortit luksoz të në pronat e tyre ku ka nisur zbatimi i projektit.
Qytetarët janë mbledhur sot në pronën në fjalë dhe pavarësisht përplasjeve me policinë, kanë arritur të shembin dhe hedhin poshtë gardhin metalik me të cilin është rrethuar kantieri pak ditë më parë.
Në brendësi të kantierit, protestuesit sërish u përplasen me efektivët, të cilët kanë tentuar t’i ndalojnë të futen.
Kujtojmë se prej afro një viti, banorët e zonës kanë ngritur akuza se një ish-zyrtar i Kadastrës së Shkodrës ka ndryshuar dokumentacionin e pronësisë, duke tjetërsuar certifikatat dhe më pas duke ia kaluar truallin investitorit që po zhvillon projektin për resort në vijën bregdetare të Velipojës.
Ata thonë se kërkojnë të drejtën e tyre, ndërsa duke iu bashkuar refrenit të protestave në Tiranë, në kor bënë thirrje “Rama në burg, Berisha në Burg”, apo “Edi Rama jepe dorëheqjen”.
