“Një hap i shkëlqyer për Shqipërinë në rrugën drejt Europës”, e cilësoi sot Nikolas Löbel, raportues i CDU për Shqipërinë, miratimin e ndryshimeve kushtetuese për Reformën Zgjedhore nga Kuvendi i Shqipërisë. Löbel u shpreh se, “parlamenti shqiptar plotëson Marrëveshjen e Këshillit Politik dhe kërkesën e Bundestagut për të miratuar një rekomandim të OSBE-së bazuar në Reformën Zgjedhore dhe demokratizuar më tej procesin zgjedhor”.
“Ju lutemi punoni së bashku edhe në të ardhmen!”, u shpreh ai për politikën shqiptare.
Löbel shpërndau postimin e raportuesit për Çështjet Europiane në Bundestagun gjerman, Florian Hahn, i cili përgëzonte Kuvendin e Shqipërisë për përmbushjen e kërkesës së Bundestagut për të miratuar një Reformë Zgjedhore, të bazuar në rekomandimin e OSBE-së dhe ODIHR-it për të demokratizuar më tej procesin zgjedhor. Kuvendi i Shqipërisë votoi sot për ndryshimet në Kushtetutë, me 106 vota pro dhe 10 kundër. 6 deputetë nuk morën pjesë në votim.
Në seancën e sotme ishin të pranishëm 116 deputetë nga 122 gjithsej, prej të cilëve vetëm 10 votuan kundër këtyre ndryshimeve. Amendimi i neneve 64 dhe 68 të Kushtetutës krijon mundësinë e hapjes së listave ku qytetarët mund të votojnë edhe për partinë dhe për kandidatin për deputet, ndërsa ndryshon dhe formula e koalicioneve