Politike

Vettingu për politikanët? Dashamir Shehi: Të fillojë me Bashën dhe shefat

Për Lulzim Bashën, Vetting-u në politikë është një nevojë për të hequr llumin që mban peng Shqipërinë, por emra PD nuk jep. Deputeti Dashamir Shehi tregon se e mbështet, por shton se duhet që hetimi të kryhet nga një strukturë tjetër dhe jo Prokuroria e Posaçme. Shehi shpreson që ky proces të fillojë nga kryedemokrati Basha e të vazhdojë me shefat e tjerë.

”E mbështet si qëllim, si formulë hajde ta diskutojmë. SPAK ça do bëjë më përpara? Po i ngarkojmë këto struktura. Ideja është që SPAK do na zgjidhë këto hallet e mëdha dhe po ta ngarkojmë me këtë çështje të shkallës administrative, ne deklarojmë pasurinë, n.q.s ka çështje penale SPAK aty është.

Ne kemi akoma prokurori e hetues, shteti i ka të gjitha veglat për tu marrë me këtë punë. Jam dakord me qëllimin e mirë! Nuk jam dakord të përziejmë gjithë gjerat bashkë. Nëse zoti Basha do them se duhet ta studiojmë së bashku, duhet ngritur një strukturë, jo ato që janë të përfshira, sepse do nxjerrim jashtë loje SPAK. Duhet gjetur një mekanizëm tjetër që duhet të jetë më i thjeshtë dhe më transparentë. Sepse SPAK heton penalisht në mënyrë të heshtur ndërsa ne kemi nevojë për transparencë.

Procesi është i rëndësishëm, është i drejtë, shpresoj që të fillojë nga Basha dhe shefat. Besoj se shqiptarët e dinë kush janë të korruptuarit. Kam frikë se disa mund të certifikohen si të pa korruptuar, ndërsa pasurimi i politikanit raporti me gjënë publike është diçka e verifikueshme në jetën e përditshme”,-tha në ”Open”.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: