Sekretari amerikan i Shtetit Mike Pompeo gjatë një vizite që ka bërë në Britaninë e Madhe, është shprehur se të gjitha víktimat e Covid 19 janë për shkak se kreu i Organizatës Botërore të Shëndetit është blerë nga Kina. Komentet e Pompeos u bënë gjatë një takimi privat që ai kishte me disa deputetë britanikë, ku është shprehur tekstualisht se víktimat humbën jetën ‘për shkak të marrëveshjes që ishte bërë’.
Krahu i djathtë i Presidentit Trump pretendoi se Dr Tedros Adhanom Ghebreyesus kishte arritur një pazar me regjimin komunist për të siguruar zgjedhjen e tij në postin e drejtorit të përgjithshëm të OBSH-së. Pompeo aktualisht po viziton Britaninë e Madhe dhe zhvilloi takime me sekretarin e jashtëm Dominic Raab dhe kryeministrin Boris Johnson të martën.
Gjatë takimit me deputetët konservatorë dhe ata të punës, Sekretari i Sate tha për OBSH: ‘Kjo është një organizatë politike, jo një organizatë me bazë shkencore. Unë nuk mund të them dot më shumë, por kam arsye të forta të deklaroj se pati një marrëveshje mes kreut të OBSH-së dhe Kinës”. Donald Trump kohët e fundit njoftoi tërheqjen e Amerikës nga OBSH, duke pretenduar se organizata ishte nën ndikimin e Kinës. Më herët ai kishte ndërprerë të gjitha fondet për OBSH-në, ndërkohë që vazhdimisht e ka quajtur atë një kukull në dorë të regjimit komunist.
Kritikët kanë thënë që Trump është duke u përpjekur të heqë vëmendjen nga administrimi i tij i trajtimit të pandemisë përpara zgjedhjeve të Sh.B.A në nëntor, sa kohë që SHBA-të kanë numrin më të madh të vdèkjeve në raport me të gjitha shtetet e tjera të botës. Retorika e Pompeos ka qenë gjithashtu agresive ndaj Kinës, me sekretarin e shtetit që pretendoi më parë se Covid-19 rrjedh nga një laborator kinez në wuhan, ku besohet se virusi ka origjinën. Drejtori i OBSH-së Dr Ghebreyesus, një Etiopi, u zgjodh në vitin 2017, duke fituar kundër kandidatit britanik, Dr David Nabarro (Faxweb)
