Ndahet nga jeta në moshën 78-vjeçare këngëtarja, prezantuesja dhe aktorja e njohur italiane Raffaella Carra. Ajo është autore e dhjetra këngëve të njohura, ka luajtur në disa filma si dhe ka drejtuar një sërë emisionesh të njohura si “Domenica in”, “Ma che sera”, “40 minuti con Raffaella” dhe “Carramba Che Sorpresa”.
Raffaella Cara ka prezantuar gjithashtu spektaklin e famshëm italian “Sanremo” si dhe ka marrë pjesë në Eurovision.
“Raffaella na ka lënë. Ajo shkoi në një botë më të mirë, ku njerëzia e saj, e qeshura e saj e pagabueshme dhe talenti i saj i jashtëzakonshëm do të shkëlqejnë përgjithmonë”, me këto fjalë e ka e ka bërë të ditur lajmin e trishtë koreografi Sergio Iapino. Ikona e spektaklit italian, Carra vuante prej vitesh nga një sëmundje e rëndë.
