Gjykata e Posaçme ka pranuar kërkesën për gjykim të shkurtuar të Aleksandër Lahos alias “Rrumi i Shijakut” lidhur me çështjen e përvetësimit të 45 mijë metër katrorë në Gjirin e Lalëzit.

Mbi Lahon rëndon akuza për veprën penale “Korrupsion aktiv” ndërsa pritet që gjykata të lexojë pretëncën për “Rrumin e Shijakut” gjatë seancës së rradhës që do të mbahet më 24 dhjetor.

Kujtojmë që Laho i ka dhënë 900 mijë lekë që avokati i shtetit, Irgen Kërçyku, të mos merrte pjesë në procesin gjyqësor me palë ndërgjyqëse paditës Pal Seçuni, palë e paditur  ZVRPP Durrës dhe palë e tretë Avokatura e Shtetit si dhe për të mos kryer një veprim që lidhet me detyrën e tij konkretisht, për të mos bërë në vijim ankim në Gjykatën e Apelit, për vendimin e Gjykatës së Shkallës së Parë Durrës.

Ish avokati Irgen Kërçyku është dënuar nga Gjykata e Posaçme me 2 vite burgim për veprën penale “Korrupsion pasiv i personave që ushtrojnë funksione publike”.

Ky rast korrupsioni doli në dritë pas atentatit që iu bë prokurorit Arjan Ndoja, ku në mjet me të ishte dhe “Rrumi”. Në celular atij ju gjet një video, ku fliste me Kërçukun për ryshfet me qëllim që mos apleonte procesin për çështjen e pronësisë.