Tre gra janë ngujuar brenda një dyqani për rreth një orë në Vlorë, ndërsa deklarojnë se ndërtuesit e pallatit nuk i janë përmbajtur aktmarrëveshjes që kanë bërë dhe nuk u kanë dhënë ç’ka ata kanë pretenduar në këtë ndërtesë.
Gazetari Enrik Mehmeti raportoi për News 24 dhe BalkanWeb se gratë, njëra rreth të 80-ve dhe dy rreth të 50-ve, kërcënojnë me vetëflijim, ndërsa edhe pas ndërhyrjes së policisë, ato kanë refuzuar të dalin jashtë ambientit duke kërkuar zbatim të aktmarrëveshjes që kanë bërë para ndërtimit pallati.
Një prej tyre tha se ka filluar te jetojë në këtë dyqan, pasi nuk i është dhënë në mënyrë të drejtë nga ndërtuesit aktmarrëveshja. Ende po vijon trataktiva me drejtuesit e policisë që zonjat të dalin nga dyqani.
Ndërkohë pranë xhamit, shihet edhe një bombol gazi, ndërsa shefi i komisariatit është duke tentuar që të bindë gratë të dalin.
Ato thonë se kjo situatë vijon prej vitesh dhe kurrë nuk kanë arritur të marrin banesat që pretendojnë se u takojnë.
Sakaq, jashtë ambientit të këtij lokali ndodhet edhe bashkëshorti i një prej grave i cili shprehet: Problemi qëndron se ne kemi bëtë një marrëveshje dhe nuk i kanë qëndruar marrëveshjes. Kemi 10 vite. Na kanë thënë që nuk ua prishëm ne shtëpinë por shteti, po deshët merrni një apartament, po s’deshët asgjë, kemi dhe kërcënime, një nga ndërtuesit dje tha ‘do ta shikosh veten në ndonjë buzë kanali’ Ne sot po flemë në një dyqan të kapur forcërisht, por falë zotit policia nuk na ka nxjerrë jashtë, kemi 10 ditë.
