Pas 12 vitesh bashkë, çifti i njohur Miriam Cani dhe Alban Skënderaj i kanë thënë zyrtarisht “PO” njêri-tjetrit. Larg syve të publikut dhe në fshehtësi të plotë dyshja është martuar më 7 Maj të këtij viti teksa ndodheshin me pushime ne Maldive. Në ceremoni ka qenë e pranishme edhe vajza e tyre Ameli tashmë 3-vjeçare.
Mirëpo, pse e mbajtën të fshehtë dasmën e tyre? Në një intervistë për Prive, Albani ka treguar se ai dhe Miriami nuk kanë dashur asnjëherë një dasmë madhështore, por sa më private, me njerëzit që vërtet kanë rëndësi për ta. “Ishte eksperiencë e paparë, pak e lodhshme, por shumë e bukur! Ishte një ndjenjë fantastike! Ne nuk kemi qenë ndonjëherë shumë për këto dasmat me pompozitet, madhështore, apo me shumë njerëz. E kemi pak të vështirë, se jemi natyra të tilla. Për ne ishte fantastike të kishim njerëzit tanë afër, vajzën tonë në atë vend magjik, ishte pikturuar vetë gjithçka, s’kishte nevojë për dekor. Fakti që ne ishim fejuar aty në të njëjtin vend për ne ishte diçka shumë speciale, ndoshta simbolike, por gjithsesi një kujtim i bukur”,-është shprehur Albani.
