Ditën e sotme në Milano të Italisë mbahet funerali i ish-kryeministrit Silvio Berlusconi, teksa qeveria ka shpallur zi kombëtare. Miliarderi italian ndërroi jetë në moshën 86-vjeçare mëngjesin e së hënës, pasi muajt e fundit ishte përballur me disa probleme shëndetësore.
Ndërkohë mbrëmjen e së martës u publikua në mediat italiane fotoja e fundit e “Kavalierit” para se të shtrohej në spitalin “San Raffaele” të premten e kaluar. Në të, Berlusconi është në një nga baret e tij të preferuar në Milano, duke përqafuar djalin e vogël të pronarit. Ai nuk duket në gjendje të mirë, por “po bënte shaka me të gjithë, si gjithmonë”, komentoi pronari i lokalit.
L’ultima foto di Silvio Berlusconi venerdì pomeriggio, un ghiacciolo al bar con Marta Fascina: “Ha scherzato con tutti” https://t.co/8QB5nlyKdo
— La Stampa (@LaStampa) June 13, 2023
