Një ngjarje e rëndë është regjistruar në aksin nacional Tepelenë-Gjirokastër në vendin e quajtur “Humelicë”, ku një punonjës i një firme private është goditur me një shkop në kokë. Raportohet se punonjësi në fjalë ishte duke pastruar kanalet e ujërave kulluese, kur u godit nga qytetari.
Autori është shoqëruar nga policia, ndërsa ka thënë se ka goditur punonjësin për shkak se ky i fundit ka qenë duke punuar me skrep në pronën e tij. Punonjësi është dërguar në spital për të marrë ndihmën mjekësore për shkak të plagëve të marra.
