Edi Rama i ka dorëzuar pashaportën shqiptare, artistes Ana Oxa, në Krujë. Kjo ngjarje është filmuar dhe transmetuar në emisionin e Ardit Gjebresë, i cili qëndronte mes Ramës dhe Oxës, veshur me një xhup në formë pelerine. Rama i’a dorëzoi pasaportën shqiptare dhe i tha Oxës, se një natë më parë, i ka dalë në ëndërr Skënderbeu dhe i ka dhënë disa udhëzime, se si të veprojë me këngëtaren.
“Skënderbeu më dërgoi një mesazh. Teksa flija, m’u shfaq në ëndërr dhe më tha, është Ana Hoxha jo Ana Oxa. Ana Hoxha në kështjellën time! Duhet të shkosh të konfirmosh që ajo, bën pjesë në ushtrinë time të madhe të shqiptarëve, që nuk heqin dorë kurrë. Ju solla pasaportën shqiptare, me një fotografi të bërë nga fotografi i Skënderbeut“, i tha Rama, Ana Oxës. Pas këtyre fjalëve, që e habitën tej mase këngëtaren, por jo edhe aq Arditin, Edi Rama dorëzoi pashaportën dhe këtu u mbyll kjo ngjarje.
