Kryeministri Edi Rama dhe ministrja e Shëndetësisë, Ogerta Manastirliu e kanë nisur vitin 2021 me një vizitë në maternitetin ‘Koço Gliozheni’ për të uruar nënat e reja që sollën në jetë foshnjet e tyre në minutat e para të vitit të ri. Me lule, dhurata e bonos në dorë, Rama i ka uruar nënat e reja për lindjen dhe për një vit të ri të mbarë. “Çfarë nuk të vret të forcon. Më e keqja ka kaluar”, ishte mesazhi i kryeministrit me drejtorin e spitalit.
Ndërsa batutat e kryeministrit nuk munguan pasi e cilësoi vitin 2021 se erdhi i mbarë pasi foshnjat e para janë vajza. “Baballarët ku i kanë, flenë gjumë, hej Zot i madh! Bëj shaka. Edhe njëherë gëzuar. Besoj se është vit i mbarë se ka ardhur me goca bam, bam, bam. Gëzuar!”, tha Rama.
