Gati 11 orë zgjati vizita e Presidentit turk, Recep Tayyip Erdogan në Shqipëri, ku agjenda ishte e ngjeshur me takime dhe fjalime të forta, si në konferencën për shtyp, ashtu edhe fjala që mbajti në Kuvendin e Shqipërisë.

Kryeministri Edi Rama e përcolli Erdoganin deri në aeroportin “Nënë Tereza”. Pasi Presidenti turk u përshëndet me ministrat e kabinetit shqiptar, Rama ishte i fundit që e takoi, duke e përqafuar.

Nuk harroi porosinë për Erdogan që ai të përshëndeste nga ana e kryeministrit shqiptar, gruan dhe familjen. “Të fala zonjës dhe familjes”, i tha Rama, dhe më pas Erdogan u largua.