Autoritetet italiane kanë raportuar dit e djeshme se 1,913 mjekë dhe dentistë janë pezulluar nga detyra, pasi kanë refuzuar që të vaksinohen kundër Covid. Asociacioni Kombëtar i Mjekëve dhe Dentistëve ka thënë se mjekët kanë dështuar që të prezantojnë dëshminë e vaksinimit. Njoftimi i 21 janarit vjen pas pezullimit të 1,656 mjekëve në muajin nëntor të vitit të kaluar.
Profesionistëve mjekësorë u është kërkuar të jenë të vaksinuar kundër Covid, prej miratimit të ligjit të ri, që ka nisur të zbatohet në muajin prill. Në total, të dhënat tregojnë që më shumë se 33,500 mjekë nuk janë të vaksinuar plotësisht në Itali. Mirëpo në këtë shifër përfshihen edhe ata që janë shëruar nga koronavirusi dhe presin të vaksinohen, ata që janë vaksinuar jashtë Italisë dhe mjekët që nuk mund të imunizohen për arsye mjekësore.
“Qëllimi nuk është ndëshkues. Qëllimi është mbrojtja e shëndetit publik dhe ruajtja e kushteve të duhura të sigurisë në ofrimin e shërbimeve të kujdesit. Nëse zbulohen edhe shkelje nga profesionistët shëndetësorë që shpërndajnë mesazhe jo-vax, do të hapen paralelisht edhe procedimet disiplinore ndaj tyre”- njoftojnë zyrtarët në vend.
