“Rekord mbi rekorde” ka qenë citimi i autores së programit në fillim të sezonit dhe e ka mbajtur premtimin e saj. “Shiko Kush LUAN” me rekordin e fundit është bërë emisioni më i shikuar në histori, i cili është parë për plot 3 orë nga e gjithë Shqiptaria.
“Si asnjëherë më parë në emisionet shqiptare në një “full episode”!!! 2 milion klikime në vetëm 5 ditë në një video 3 orë”, shprehet autorja dhe moderatorja Luana Vjollca në llogarinë zyrtare të saj në Instagram. Të ftuar ishin personazhet e emisionit “Për’puthen” në Top Channel ku synimi i formatit është krijimi i çifteve dhe si duket “Shiko Kush LUAN” ashtu siç premtoi ia doli të bashkojë sa më shumë vajzat dhe djemtë.
Ndodhi puthja e parë në jetë e Sindit, puthja e parë e Melisës dhe Fationit, por jo vetëm kaq! Lojërat dhe sfidat pikante të programit në autorësinë e Luana Vjollcës bënë për vete më shumë se 2 milion persona në YouTube, por edhe gjatë transmetimit live të spektaklit “Shiko Kush LUAN”.
